@ 20  

Posted by desza in , , ,


Tahimik... Madilim... Malamig...

Ang sarap matulog, lalo pa't napagod ako sa katatapos na duty. Dalawa lang ang pasyente na stable naman, kaya nakakapagod talaga ang makipaglaro, makipagkulitan at makipagtawanan sa mga kasamahan... Idagdag pa ang sarap ng kainan. Mabuti na lang talaga at nakisama ang pagkakataon at hindi kami tinoxic ngayon.
Isa sa mga bibihirang pagkakataon na nagkataong tumaon sa araw na madadagdagan ng isang taon ang aking taon. :D


Ayoko pang matulog.. Kahit nagrerebelde na ang talukap ng aking mga mata. Sumasabay pa ang pagtibok ng aking ulo (yup, hindi po puso), masakit na raw siya.. Inaaya na rin ako ng kama, unan at kumot sa panaginip. Ngunit ayaw akong payagan ng utak ko. Ang dami pa kasing naglalaro sa kanya. Parang walang kapaguran, walang katapusan.

Hay, bilib talaga ako sa utak kong 'to. Hindi naman sa pagbubuhat ng sariling bangko, pero marami na rin siyang napahanga... Hindi lang nila alam, kadalasan hindi siya nagagamit ng tama. Hahaha.. At marami na rin siyang napagdaanan. At tingnan mo naman, pagkatapos ng dalawampung taon, hindi pa rin siya bumibigay (kahit mukhang malapit na ata, hehe).

Alam ko, mas marami pang tidbits of knowledge, experiences, challenges at memories ang papasok sa kanya at makikipaglaro. Sana kayanin pa nya... Sana hindi sya tuluyang masira at itapon sa mundo ng schizophrenia. ^^,


Para hindi mangyari yun, mukhang kailangan ko na muna siyang ipahinga. At sana bukas sa aking paggising, mga masasayang alaala naman ang dumagdag sa koleksyon nya.


MALIGAYANG KAARAWAN sa'yo DES!

This entry was posted on Huwebes, Hunyo 18, 2009 at Huwebes, Hunyo 18, 2009 and is filed under , , , . You can follow any responses to this entry through the comments feed .

3 de palabras

Des,

Mali naman ung date.. Tsk, tsk!
Ayaw mapalitan ng time zone..
PANU BA? hahaha..

Basta June 19, 2009 (2:30am) yan pinost hihi^^,

Hunyo 18, 2009 nang 11:45 AM

Amf, kala ko naman mag ka-birthday tayo, hehe.. Mga gemini talaga.. kakaiba..tumitibok ang ulo!... Wahahahaha!

Happy Birthday Des! Wish you all the best.. and may God grant your heart's desires and unspoken prayers..

Cheers! Twenteen ka na! ^__^

Hunyo 19, 2009 nang 6:48 AM

naks pareho pala tayong matalino,haha biro lang... kaya pala busy busyhan lately... mabuti yan... :)

Hunyo 27, 2009 nang 7:43 AM

Mag-post ng isang Komento